Kike Amonarrizek gidatuko duen “Jakinduriek mundue erreko dau!” saioetan hiru bertsolari eta hiru zientzialari izango dira oholtza gainean. Zientzialariek 10 minutuko hitzaldiak emango dituzte eguneroko hainbat gai uztartuz eta bertsolariek errima eta doinua jarriko dizkie gaiei.
Hiru ekitaldi izango ditu aurtengo edizioak, beste horrenbeste herritan:
- Irailaren 20an Ondarroan (Beikozini Kafe Antzokian).
- Irailaren 21ean Durangon (Plateruena Kafe Antzokian).
- Irailaren 29an Igorren (Lasarte Aretoan).